कुडाळच्या युवकांच्या संकल्पनेतून साकारलेल्या पिंपळबन प्रकल्पास सर्वोतपरी सहकार्य करणार

धावपळीच्या जीवनात घटकाभर विसाव्यासाठी पिंपळबन निर्माण करण्याची कुडाळच्या युवकांची संकल्पना अत्यंत स्तुत्य आहे

पर्यावरण रक्षणाबरोबरच गावातील पडिक जागेत पिंपळबनाच्या माध्यमातून नंदनवन फुलवण्यासाठी राबविण्यात आलेला उपक्रम आदर्शवत आहे

पिंपळबनास सर्वोच्च प्राधान्य देणार तसेच पिंपळबनाची उर्वरित राहिलेली कामे पूर्ण करण्यासाठी जोरदार पाठपुरावा करणार -

पुस्तकाचे गाव म्हणून भिलार तर पिंपळबन म्हणून कुडाळचे नाव महाराष्ट्रात अजरामर होईल

हा उपक्रम अतिशय आदर्शवत असा आहे. ग्रामस्थांचे खास कौतुक ज्यांनी शेकडो झाडे लावली आणि १०० टक्के वृक्षांचे जतन केले. अतिशय सुंदर उपक्रम, मनापासून शुभेच्छा!!

संपूर्ण जगात आज निसर्गाच्या बदललेल्या चक्राचे परिणाम दिसत आहेत. तापमान वाढ, पूर, दुष्काळ अशा गोष्टींना आपणास सामोरे जावे लागत आहे. कुडाळमध्ये ‘पिंपळबन’ उपक्रमांतर्गत वृक्षलागवड व संगोपन सुरु आहे. या उपक्रमासाठी जेष्ठ नागरिक, युवक एकत्र येवून खूप चांगले काम करीत आहेत. पिंपळबन उपक्रमास शुभेच्छा

मौजे कुडाळ येथील लोकसहभागातून उभे केलेले पर्यावरणपुरक पिंपळबन हे अतिशय उत्कृष्ठपणे प्रगतीपथावर आहे. जागतिक पर्यावरणाच्या जागरूकतेचा एक भाग कुडाळ येथे पहावयास मिळाला. ग्रामस्थांनी चालवलेला हा उपक्रम अतिशय महत्वाचा आहे. माझ्याकडून व जिल्हा परिषद सतारा यांच्या वतीने आपल्या कार्याला शुभेच्छा.

श्री पिंपळेश्वर वाकडेश्वर या देवस्थान परिसरात कुडाळ येथील तरुणांनी पिंपळबाग फुलवण्याचा संकल्प केला आणि आज तो यशस्वी दिसून येत आहे. देव आणि वृक्ष यांचे मानवावर अनंत ऋण आहेत. आदर्श जीवनाचा महामार्ग देवत्वाच्या दर्शनाने मिळतो. वृक्ष आणि देवालय एकत्रित परिसर फुलतो आहे. याचा प्रचंड आनंद आहे, शुभेच्छा!

आज रोजी कुडाळ येथील पिंपळबनास भेट दिली. लोकसहभागातून सर्व ग्रामस्थांनी या बनामध्ये केलेले वृक्षारोपण व केलेले काम पहिले. गावाच्या पर्यावरणाच्या व आरोग्याच्या दृष्टीने केलेला हा प्रयत्न अतिशय स्तुत्य आहे. पिंपळबणाच्या या उपक्रमाला माझ्या शुभेच्छा .......

आज रोजी भेट दिली असता पिंपळबनातील वातावरण प्रसन्न वाटले. पिंपळबणाचे महत्व पर्यावरणीय तसेच आपल्याला मोलाचे आहे, या उपक्रमात सातत्य असणे गरजेचे आहे. लोकसहभाग वाढत राहून संकल्पनेतील पिंपळबन साकार होण्यास शुभेच्छा.....

आपलं पिंपळबन हा उपक्रम निसर्गाचे जतन करण्याच्या दृष्टीने उचलेले एक महत्वपूर्ण पाउल आहे. या माध्यमातून निसर्गाप्रती असणारे कुडाळकरांचे प्रेम व्यक्त होत आहे. लोकसहभागातून निर्माण होत असलेला हा महत्वाकांक्षी प्रकल्प सर्वांच्या कौतुकास पत्र ठरत आहे. आम्ही या उपक्रमास सर्वतोपरी मदत करू. धन्यवाद !

"पिंपळबन" गावकऱ्यांच्या संपूर्ण सहकार्याने म्हणजे अक्षरशः तन मन धनाने उभारण्यात येणारी ‘सृष्टी’पाहून खूप आनंद झाला. गटविकास अधिकाऱ्यांचे या उपक्रमास संपूर्ण सहकार्य राहील असे या ठीकानी मुद्दाम नमूद करून ठेवीत आहे. काही वर्षानंतर बहरलेले पिंपळबन पाहण्यास नक्कीच येईन

कुडाळमध्ये वर्षभरात पिंपळबन ऊभे करून लावण्यात आलेल्या वृक्षांचे संगोपन आणि संवर्धन करण्यासाठी आम्ही ग्रामस्थ सर्वोतोपरी प्रयत्न करणार आहोत